السلام عليكم
عندي مشكلة في عربيتي (فيستا1300) ان لما تمشي على سرعة عالية فوق ال90 مثلا وتيجي تهدي وتنقل على الرابع او التالت
العربية تفصل و طبعا الموضوع ده خطر جدا لان الباور ستيرنج معتمد على ان الموتور داير !
رحت لأكتر من ميكانيكي قالي دي حاجة بسيطة و هنضفلك الأيدلر وبوابة الهوا وكله هيبقى تمام ! اطلع من عنده مفيش مسافة ما العربية تسخن ويحصل نفس الموضوع!
غيرت الايدلر وجبت واحد جديد برضه نفس المشكلة بتحصل!
محدش يعرف حد فاهم في العربية دي كويس يعرف يصلحها!
ارجو الرد
مشكلة غريبة اوى !!!
ومش بس المشكلة فى الباور المشكلة فى الفرامل لان الفرامل بتبقى مش بقوتها طبعا لما العربية بتبطل
بص ياباشا المشكله دى عندى والايدلر مالوش دعوة فى حساس اسمه حساس الكيلومتر فى الغالب مش موجود عندك او موجود وبايظ وسعرة استير اد فى حدود 150 ج والحساس دا بيعلى الار بى ام بتاع العربية العربية لما تنزل من سرعة عالية لسرعة اقل او هتوقف واللى قالى الكلام الميكانيكى وانا عملت موضوع فى القسم بخصوص حساس الكيلو متر ومنتظر حد من الاعضاء يوضحلنا معلومات اكتر وان شاء الله عربيتك تتظبط وتبقى ذى الفل
ياريت لو صلحت عربيتك ومشكتك اتحلت ياريت تقول صلحتة فين واية سبب المشكلة وهل هو حساس الكيلومتلر ولا حاجة تانية
شكرا على الرد! ياريت يا أحمد باشا تقولي هو الحساس ده موجود استيراد بس ولا ممكن يبقى في منه جديد ! ولو عرفت عند مين استيراد ياريت تبعتلي رقم تليفونه!
ومتشكر جدا على المساعده !
فى اغلب الاحوال انا لو بجيب حاجة استيراد باشترى من عند محمد الصفا فى الحرفيين ورقم تليفونة 0106736601و 26630139 وهو افضل سعر وارخص واحد بعد اللف على بتوع الفورد اللى فى الحرفيين
بالنسبة لسعر الجديد بصراحة مش عارف لان الميكانيكى هو اللى قاللى ان استيراد ارخص بكتييييييييييير من الجديد وفى حدود 150 ج
هى العربية معاك بقالها كتير والمشكلة دى ظهرت قريب
ياريت تنتظر رد باقى الاعضاء فى المشكلة دى وبالاخص الاستاذ/ جوزيف aYaBooY وان شاء الله هيكون رده وافى
المشكلة دي كانت عندي و لحد ما بعت العربية ماعرفش كانت ايه المشكلة بس كانت بتحصل عندي من فترة للثانية مش كثير و نضفت الايدلر بس الدنيا كانت بتمشي بعدها تمام
انا شكيت ان فيه حساس بيدي قراية غلط للecu فبالتالي الدنيا بتبرجل
احتمال وارداقتباس:
المشاركة الأصلية كتبت بواسطة gebreel
بس انا بنظف الايدلر بنفسى كل فترة ومع ذلك بتحصل معايا بعدد 2-5 مرة كل يوم علشان بتحرك بالعربية كتير
العربية معايا بقالها 3 سنين والمشكلة دي ظهرت عندي بقالها شهرين ! وغيرتلها قبل كده (من حوالي سنه ونص )حساس السرعة لانه كان بيحصل عكس المشكلة اللي بتحصل دلوقتي لما كنت بنقل من اي سرعة لسرعة اعلى او حتى اقل او حتى تفضل على المور ال rpm كان بيعلى جدا لدرجة 5000 او اكتر
! بس هل الحساس ده هو نفسه حساس الكيلومتر اللي انت بتتكلم عليه (الله أعلم)
فى اعتقادى ان حساس السرعة هو حساس الكيلومتراقتباس:
المشاركة الأصلية كتبت بواسطة mntas
هى عربيتك فيها ار بى ام ؟؟
ممكن حضرتك تقولى مكان حساس السرعة فين وشكلة عامل ازاى ولما غيرتة كان بكام وجديد ولا استيراد
عربيتي فيها Rpm ومكان حساس السرعة اللي غيرته كان يمين الايدلر تحت وشكله مش فاكره اوي بس تقريبا كان عبارة عن اسطوانه سوداء قطرها 2سم تقريبا وفوقيها اسطوانه اصغر ! وغيرته استيراد وكان عامل 180جنيه !
ممكن يا استاذ محمد تاكدلنا ان حساس السرعة او حساس الكيلومتر هو اللى فى الصور اللى فى اللينك دا ولا لا
http://cgi.ebay.co.uk/NEW-Genuine-Fo...QQcmdZViewItem
انا لقيت شكل الحساس على ebay
http://cgi.ebay.com/ebaymotors/Oxyge...#ht_3920wt_939
تمام ياباشا
جزاك الله خيرا
طيب ممكن ارخم عليك هو السلك بيتوصل فين
علشان عندى لقيت الحساس والسلك ذى اللى فى الصورة مدلدل ومش راكب ممكن تبصلى عندك وتقلى راكب فين ويسلام لو فى صورة
اقتباس:
المشاركة الأصلية كتبت بواسطة ahmed_mubarak
اقتباس:
المشاركة الأصلية كتبت بواسطة mntas
حساس السرعة او حساس الكيلومتر هو حساس واحداقتباس:
المشاركة الأصلية كتبت بواسطة mntas
عربيتي الحساس فيها مفصول بقالة اكتر من سنة و مبتعملش كدة
مشكلة التبطيل ليها سببين
اولا حد ظابط التكيهات غلط و انا كنت شرحت الموضوع ده قبل كدة و فضلت سنة دايخ بالعربية بعد ما واحد ظبطلي التكيهات غلط و لحد ما قطب ظبطها كويس الموضوع ده اختفى
ثانيا الانجكشن في الفيستا الـ 1300 معتمد على خراطيم نقل ضغط من غير بلوف كتير زي المواتير الزيتيك و ده بيخلي الموتور متبرجل لو فيه خرطوم مسدود او مخروم من خراطيم البي سي فالف
ملحوظة لو طلع عيب من الخرطوم منصحش حد يشتري الخرطوم الاصلي او التقليد علشان تمنهم استهبال انصح بتقصيل خراطيم مماثلة من عند الناس بتوع خراطيم الضغط العالى
السلام عليكم
بص ياباشا اخيرا والحمد لله مشكلة ان العربية تبطل لما انزل غيار او من سرعة عالية لسرعة اقل انتهت خلاص
والحل كان الاير ماس او الماف ذى ما بعض بتوع قطع الغيار بيقولة
وبداية المشكلة كانت فى دخان اسود خارج من الشكمان والعربية بتبطل لما انزل بالسرعة وبالتالى الميكنيكى قالى حساس الشكمان وتم تغيرة ومازلت المشكلة موجودة خروج بضى الدخان الاسود على بسيط واللعربية لسة بتبطل طيب والحل اية ياعم الاسطى - حساس السرعة ودا هيخلى العربية تاكل بنزين طيب راكب عندى ولا اية - مش موجود هات واحد استيراد فى حدود 150 ج - وبعد اسبوع خروج دخان اسود كثيف جدا وبرجلة فى العربية - اية يا عم الاسطى - هنشوف وتم الاتى فصل فيشة حساس الشكمان وحساس الهواء - الاير ماس وغير البوجيهات وقال هنشوف هتهبب ولا لأ واعمل مشوار وتعالى لفيت شوية 15 كم ورجعت نفس المشكلة وتم استبدال صباع الحرارة والاير ماس بواحد عن الميكانيكى وهنا العربية بطلت تطلع الدخان الاسود ورحت الحرفيين واشتريت الاير ماس 200 ج وركبته هناك وانا راجع العربية كويسة وتمام بفضل الله ومبتبطلش ورحت للميكانيكى تانى اية ياعمنا كدة ذى الفل قال ذى الفل يا باشا
وتمت التجربة والحمد لله العربية ذى الفل لا بتبطل ولا فى دخان بيخرح
طيب لو الاير ماس فلو عندك بايز او مش شغال ده يخلي العربية تاكل بنزين بافتراء و ممكن تعمل لحد 10 كم في لكل 20لتر هل ده كان عندك
مظبوط يا هندسةاقتباس:
المشاركة الأصلية كتبت بواسطة ayabooy
العربيةكانت بتاكل بنزين كانت بتعمل 180 -200 فى 34 لتر جو البلد و 275 فى الطوالى والحمد لله دلوقتى فى تطور ملحوظ فى استهلاك البنزين والحمد لله العربية بتنزل نقط مياة من الشكمان
بصراحة كنت فاكر ان الرشاشات بايظة لكن المشكلة كلها كانت فى الاير ماس
بس فى ملحوظة ان صوت الموتور عالى نسبيا والعربية واقفة مش عارف ازاى اوطية وميكانيكى العربية بيقولى كدة كويس
تفتكر الحل اية يا استاذ جوزيف !!!!
بص موضوع عالي او واطي علشان تحددة و محدش يلعب في العربية من غير لزوم يتحدد عند حد معاه البرنامج بتاعها
و صحيح الارقام ديه بالتكييف ولا من غير
علشان هيا ممكن تدل على رشاشات مش مظبوطة لكن لا تدل على تلف ماس اير فلو
بدون تكييف (الشتاء يا باشا ) لكن فى تطور ملحوظ فى الاستهلاك بعد تغير الا ير ماس وان شاء الله هحسب الاستهلاك واقولك قد اية
تم حساب استهلاك البنزين ودى اول مرة 10.5 لتر بنزين عملوا 106 كم بيتهيقلى دا معدل استهلاك معقول
تم حساب استهلاك البنزين لثانى مرة 10.5 لتر بنزين عملوا 120كم منهم 50 كم طريق مصر العاشر
طيب الارقام ديه لا تدل على ماس اير فلو بايز بس عربيتي و موتورها مفوت بتعمل 270 لـ 290 كم في الصفيحة و ده في الطوالى و داخلي مع بعض و كمان عندي طقم الدبرياج مش مظبوط
و اعتقد ان عندك حالة الموتور افضل من عندي
انصحك بالاتي
تظبط موتورك على برنامج ids
تروح تظبط رشاشات و تنظفها عند حد معاه التراسونيك
استفسار بس 270 -290 لكل 20 لتر بمعنى ان اللتر بيعمل 14 كم
انا لقيت تليفونك وان شاء الله هكلمك
متوسط الاستهلاك من 12 لـ 14 كم للتر
بس الرقم ده بعد موضوع الالتراسونيك
اقتباس:
المشاركة الأصلية كتبت بواسطة ahmed_mubarak
اخيرا والحمد لله تم ظبط صوت الموتور وبقى اهدى من الاول بكتير
ودا عن طريق عمل ريستارت للكنترول بفصل سلك البطارية لمدة 15 دقيقة ثم توصيل السلك وفتح الكونتاكت ثلاث مرات لمدة 5 ثوانى فى كل مرة (فى موضوع قراتة فى المنتدى بيتكلم بالتفصيل عن عمل ريستارت للكنترول)
وتمت التجربة اليوم وكلة تمام بفضل الله
كدة هبدا احسب استهلاك البنزين ونشوف العربية مظبوطة ولا لأ
انا خلاص قربت اتجنن مش عارف اية اللى بيحصل فى العربية
امبارح العربية كانت ذى الفل وانا رايح الشغل وصوت الموتور هادى جدا وكلة تمام وانا مروح عملت حبة مشاوير وكانت الطامة العربية بتبطل تانى لما انزل من سرعة لسرعة او انزل من غيار لغيار دا غير استهلاك البنزين 7 كم لكل لتر
يعنى قبل ما اعمل ريستارت للكنترول كانت العربية ذى الفل ولكن صوت الموتور عالى وبعد الريستارت صوت هادى والعربية بتبطل واستهلاك بنزين عالى
تفتكروا اية المشكلة ؟؟؟؟؟؟؟؟؟؟؟؟
لو سمحت هو انت عملت موضوع الالتراسونيك فين وياريت رقم التليفون المركز والتكلفة قد ايةاقتباس:
المشاركة الأصلية كتبت بواسطة ayabooy
واحد اسمه مدحت في المعادي رقمة في موضوع في الورشة مش معايا و التكلفة كانت 100 جنيه
بس انت مش محتاج الترا سونيك انت محتاج حد فاهم في العربية يشوف مالها
يعني يراجع على الحساسات و التكيهات و خراطيم و الكلام ده كله و بعدين تبقي تنظف الرشاشات
يا ترى عرفت تحل المشكلة ولا لسةاقتباس:
المشاركة الأصلية كتبت بواسطة mntas
شكر واجب
خالص الشكر للا ستاذ جوزيف اللى اتصلت بية وصدعتة حوالى 1/2 ساعة والراجل بصراحة كان ذوق جدا جدا وكان بيشرح وبيوضح لى اى حاجة اساله عليها
مرة تانية شكرا جزيلا يا جوزيف
العفو يا سيدياقتباس:
المشاركة الأصلية كتبت بواسطة Ahmed_MUBARAK
ولا شكر على واجب
:shyy:
السلام عليكم
بفضل الله اعتقد ان المشكلة انتهت من عندى
امبارح نظفت البوابة والايدلر ب wd40 وبصراحة نزلوا بلاوى والله البوابة ذى مايكون فيها طينة وخاصة فى خرم فيها بيدخل الهوا على حساس ال tps دا كان شبة مسدود والحمد لله تمت التجربة اليوم ةالعربية ما بطلتش خالص وجارى التجربة اكثر من مرة وهاقولكم اية الاخبار
هل اكمل وانظف حساس tps ولا كدة رضا - هو اللى مخالانيش انظفة ان المسامير نجمة وانا معنديش مفك نجمة
الحمد لله تمت التجربة مرة كمان ( روحت اكتوبر ورجعت ) وبفضل الله مفصلتش خالص والحمد لله
للأسف المشكلة لسة موجودة والغريب اني لو ركنت العربية كام يوم المشكلة مش بتظهر الا بعدها بيومين وبتزيد بالتدريج مثلا اول يوم تبطل مرة واحدة تاني يوم مرتين ثلاثة و كل لما اتحرك اكتر بالعربية المشكلة تتكرر اكتر انا خلاص يئست :(
الحمد لله بعد عملية تنظيف البوابه كلة بقى تمام بفضل الله وماعديتش بتفصل